KIWANDA CHA FORTUNE CHADHIBITI UTIRIRISHAJI MAJI MACHAFU HATARI KWA AFYA ZA WANANCHI

KIWANDA cha Fortune Paper kimedhibiti utiririkaji wa maji machafu na kufukia mabwawa yaliyokuwa yamechimbwa kuhifadhi maji ambayo yalikuwa hatari kwa afya za binadamu.

Kiwanda hicho kilichopo eneo la viwanda Zegereni Halmashauri ya Kibaha kilibainika mwanzoni mwa mwaka huu kuwa kinatiririsha maji ambayo yalikuwa ni hatari kiafya.

Akizungumza na uongozi wa kiwanda hicho baada ya kukitembelea Mstahiki Meya wa Halmashauri Kibaha Dk Nicas Mawazo amesema kuwa serikali inapenda kuona wawekezaji hawasumbuliwi lakini wanapaswa kulinda afya za wananchi.

Mawazo amesema kuwa kwa sasa maji yaliyokuwa yakizalishwa na kiwanda hicho yanatumika kwa matumizi mengine na hayatiririki tena hivyo kuondoa kero kwa wananchi wanaokizunguka kiwanda hichi.

"Nimefurahi kuona wametatua changamoto ya utiririshaji maji machafu kwani tunakoelekea kuna mvua za Elnino na endapo maji hayo yangeendelea kuwepo yangesambaa na kuketa athari za kiafya kwa wananchi lakini kwa kutotiririsha maji machafu hakutakuwa na madhara tena kwa wananchi,"amesema Mawazo.

Kwa upande wake Daudi Tito Mtaalamu wa mazingira wa kiwanda hicho amesema kuwa wametekeleza agizo la kuzuia maji kutiririka na kufukia mabwawa yaliyokuwa yabahifadhi maji hayo machafu pembeni mwa kiwanda hicho.

Tito amesema kuwa watahakikisha hali hiyo haitajirudia tena kwani tayari wameweka mifumo vizuri ili kudhibiti changamoto hiyo kutojirudia tena kiwandani kwao.

Awali mwenyekiti wa Mtaa wa Saeni kilichopo kiwanda hicho Edward Kitale amesema kuwa kulikuwa na mabwawa manne ambayo yalikuwa yanahifadhi maji hayo machafu kutoka kiwandani hapo.

Kitale amesema kuwa kwa sasa hali imekuwa ni nzuri tofauti na ilivyokuwa mwanzo na kuleta kero kubwa kwa wananchi walioko jirani na kiwanda hicho.

MPANGO UJENZI WA MABWENI SHULE ZA SEKONDARI KUPELEKWA BARAZA LA MADIWANI

KUFUATIA ombi la Shule nyingi za Sekondari za kutwa kuomba kujengewa mabweni kwa ajili ya wanafunzi Meya wa Halmashauri ya Manispaa ya Kibaha Dk Nicas Mawazo amesema kuwa atapeleka pendekezo hilo kwenye Baraza la Madiwani ili kuweka mpango huo.

Mawazo ameyasema hayo kwenye Shule ya Sekondari ya kutwa ya Misugusugu wakati wa ziara yake kukagua miradi mbalimbali ikiwa ni pamoja na elimu na barabara na viwanda ili kujua changamoto zilizopo kwenye sekta hizo.

Amesema kuwa ametembelea Shule nyingi za Sekondari lakini zote maombi yao makubwa ni kujengewa bweni kwa ajili ya wanafunzi wa Shule hizo.

"Nimekuja hapa Misugusugu na kabla kuja hapa nimetembelea Sekondari nyingi lakini zote hilo ni ombi lao kubwa kwa hiyo kuna haja ya kupeleka maombi haya kwenye Baraza la Madiwani ili liwe azimio,"amesema Mawazo

Aidha amesema kuwa kama hili ndilo hitaji na ni kipaumbele basi mpango uwekwe ili waanze ujenzi wa mabweni kwa Shule kujengewa mabweni kwa ajili ya wanafunzi.

"Kuna baadhi ya Shule kweli zina uhitaji wa mabweni kutokana na changamoto mbalimbali ikiwemo umbali hivyo kuna haja ya kujengwa mabweni mfano hapo jirani na Shule hiyo kuna sehemu ya kulaza malori hali ambayo ni hatari hasa kwa wanafunzi wa kike,"amesema Mawazo.

Naye Diwani wa Viti Maalum Sara Uledi amesema kuwa asilimia kubwa ya wanafunzi wanaosoma Shule ya Sekondari Misugusugu wanaishi na mzazi mmoja.

Uledi amesema kuwa wanafunzi wengine wanaishi mbali na Shule hivyo kuwa na changamoto ya umbali kutoka nyumbani hadi Shuleni na kurudi pi

Kwa upande wake Ofisa Elimu Sekondari Theresia Charles amesema kuwa kuna uhitaji wa mabweni kwa baadhi ya Shule kutokana na mazingira ya baadhi ya wanafunzi.

Charles amesema kuwa kuhusu umbali sheria inataka wanafunzi wasitembee umbali wa zaidi ya kilometa saba pia Shule ambazo zina mabweni zinafanya vizuri.

Naye Mkuu wa Shule ya Sekondari ya Misugusugu Mohamed Lacha amesema kuwa baadhi ya changamoto ni ukosefu wa mabweni na uzio wa Shule.

Lacha amesema kuwa pia wanahitaji huduma ya maji na umeme ambapo tayari wako kwenye hatua mbalimbali za kupata huduma hizo lakini changamoto kubwa ni ukosefu wa fedha.

mwisho.

HALMASHAURI YA MANISPAA KIBAHA KUBORESHA OFISI ZA WALIMU

MSTAHIKI Meya wa Manispaa ya Kibaha Dk Nicas Mawazo amesema baada ya Serikali kuboresha miundombinu mbalimbali ya elimu wameanza mpango wa uboreshaji wa ofisi za walimu.

Mawazo ameyasema hayo alipokuwa akizungumza na waandishi wa habari wakati wa mahafali ya tatu ya Shule ya Msingi Kanesa iliyopo Kongowe Kata ya Kongowe Wilayani Kibaha.

Amesema kuwa Serikali ya awamu ya sita chini ya Dk Samia Suluhu Hassan imeboresha sekta ya elimu kwa kuweka mazingira mazuri ya usomaji na ufundishaji na miundombinu yakiwemo madarasa, maktaba, mabweni, maabara na miundombinu mingine sasa wameanza kuboresha ofisi za walimu.

"Kuanzia mwakani tutaanza kuboresha ujenzi wa ofisi za walimu ili ziwe za kisasa ambapo kwa sasa baadhi ya shule zina changamoto za ofisi hali inayosababisha wakati mwingine kutumia madarasa kama ofisi au kukaa nje,"amesema Mawazo.

Aidha amewataka walimu wakuu kurasimisha maeneo ya Shule ili yapimwe ili kupunguza migogoro ya ardhi itokanayo na uvamizi unaofanywa na watu wanaoishi jirani na maeneo ya shule.

Naye Mwalimu Mkuu wa Shule ya Msingi Kanesa Jordan Ngairo amesema kuwa wanakabiliwa na changamoto kubwa ni samani za ofisi za walimu ambapo wakati mwingine hutumia madawati ya wanafunzi.

Ngairo amesema kuwa kuhusu majengo hakuna changamoto pia wanahitaji wadau kuwasaidia kuweka uzio na hadi sasa wanatofali 415 kwa ajili hiyo hivyo wanawaomba wadau kujitokeza kuwasaidia kukabili changamoto hiyo.

Kwa upande wake mdau wa maendeleo ambaye ni Mkurugenzi wa kampuni ya Africars Ltd Hafidh Amir amesema kuwa changamoto za samani watazifanyia kazi.

Amir amesema kuwa kuhusu suala la uzio watakaa na kuangalia namna gani watatatua changamoto hiyo kwa kushirikiana na Shule hiyo ili kuunga mkono jitihada za serikali.

Akisoma risala ya wahitimu kwa mgeni rasmi Anuary  Omary amesema kuwa Shule yao imejengwa kupitia mradi wa Boost na ni Shule Jumuishi ikiwa na wanafunzi wenye mahitaji maalum 12.

Omary amesema kuwa Shule hiyo ina kituo cha MEMKWA na changamoto ya uzio inasababisha hatari kwa usalama wa wanafunzi walimu na mali za Shule. Jumla ya wahitimu 129 walipewa vyeti.

PWANI YAWEKA MIKAKATI KUKABILI ELNINO.

MKOA wa Pwani unaendelea kuboresha na kutekeleza mpango wa kukabiliana na athari za Elnino kwa mwaka 2026/2027 kwa kuimarisha uratibu wa shughuli za maafa katika ngazi ya Mkoa na Halmashauri.

Hayo yamesemwa na Mkuu wa Mkoa wa Pwani Stanslaus Nyongo wakati wa kikao cha mikakati ya uboreshaji na utekelezaji wa mpango wa kukabiliana na athari za Elnino.

Nyongo amesema kuwa mikakati hiyo ikiwemo kuhakikisha bajeti zilizopangwa kwa ajili ya shughulí za usimamnizi wa maafa zinatumika kwa wakati na kupewa kipaumbele kulingana na mahitaji na matukio yatakayotokea. 

"Makisio ya bajeti jumla ni Sh bilioni 32.6 kwa ajili ya kukabiliana na athari za maandalizi kabla na baada ya athari ya mvua za Elnino zinazotarajiwa kuanza hivi karibuni,"amesema Nyongo.

PWANI YATENGA MAENEO KUKABILI CHANGAMOTO ZA MVUA ZA ELNINO

MKUU wa Mkoa wa Pwani Stanslaus Nyongo amesema Wilaya za Mkoa huo zimetenga maeneo kwa ajili ya wananchi watakaokumbwa na changamoto zitakazotokana na mvua za Elnino.

Aidha aliwataka wananchi waishio mabondeni waondoke na kuhamia kwenye maeneo ya miinuko ili kuepuka madhara wakati wa mvua hizo zitakazonyesha hivi karibuni.

Nyongo aliyasema hayo ofisini kwake Mjini Kibaha wakati alipokuwa akizungumza na waandishi wa habari ofisini kwake juu ya tahadhari ya ujio wa mvua za Elnino zinazotarajiwa kunyesha hivi karibuni.

Alisema kuwa maeneo yaliyotengwa ni pamoja na shule na maeneo mbalimbali yanayotoa huduma za kijamii hivyo wananchi wanapaswa kukaa sehemu zisizo hatarishi ili kupunguza madhara ya mvua hizo kwa wananchi kuchukua tahadhari ili kuepuka madhara yanayoweza kujitokeza.

"Wananchi waishio mabondeni na sehemu hatarishi wanapaswa kuhama na kuishi sehemu salama wasisubiri hadi madhara yatokee,"alisema Nyongo.

Alibainisha kuwa suala la kutoa tahadhari kwa wananchi linapaswa kufanywa na watu wote wakiwemo viongozi wa dini na viongozi mbalimbali wa jamii.

"Tunapaswa kuwapa elimu wananchi ya kusafisha mazingira kwa kusafisha mitaro na njia za maji sehemu za biashara na kwenye makazi ili kuepusha maji kutuama bali yapate njia,"alisema Nyongo.

Pia aliwataka wananchi kuhifadhi chakula, madawa, tochi, madawa na vifaa mbalimbali kwani yawezekana kukawa na changamoto ya barabara katika kupata mahitaji.

WADAU WA ELIMU WAPONGEZWA UWEKEZAJI

UWEKEZAJI kwenye sekta ya elimu ni moja ya njia zinazoonyesha utayari wa kushirikiana kati ya serikali na sekta binafsi katika utekelezaji wa Dira ya Taifa ya Maendeleo 2050.

Hayo yamesemwa na Mkurugenzi Mkuu wa Shirika la Elimu Kibaha Robert Shilingi wakati wa kuadhimisha miaka 25 ya Shule ya Msingi Kibaha Independent Pre and Primary School (KIPS).

Shilingi amesema kuwa Dira ya Maendeleo inataka ushirikiano na sekta binafsi kwenye masuala mbalimbali kiwemo kuinua sekta ya elimu ili kuweza kufikia malengo.

"Ushirikiano kati ya Serikali na sekta binafsi umetajwa kuwa muhimu katika kuimarisha sekta ya elimu nchini hususani kwa kuongeza fursa za watoto kupata elimu pamoja na kuboresha mazingira ya kujifunzia na kufundishia,"amesema Shilingi.

Amesema kuwa serikali inaunga mkono wadau wa elimu wakiwemo wa sekta binafsi kwani wanaisaidia serikali katika utoaji elimu ili kufikia mafanikio kwenye sekta hiyo.

"Katika kutimizi miaka 25 kupitia Makampuni ya Njuweni imewekeza katika Shule tatu za Msingi ambazo ni KIPS, KIPS Annex na KIPS Msangani pamoja na Njuweni Institute of Hotel Catering and Tourism Management na Shule tatu za Sekondari ambazo ni Vuchama Ugweno Islamic, Mangio na Pwani Sekondari,"amesema Shilingi.

Kwa upande wake Mkurugenzi wa Makampuni ya Njuweni Alhaj Yusuf Mfinanga amesema kuwa anaishukuru serikali kwa kumpa ushirikiano katika uboreshaji wa elimu kwenye Shule hizo.

Mfinanga amesema kuwa Shule ya Sekondari ya Pwani inatarajiwa kuanza kupokea wanafunzi wa Kidato cha Kwanza mwaka 2027 hatua ambayo itaongeza fursa za elimu ya Sekondari kwa vijana wa Kibaha Pwani na maeneo mengine.

Nae Mwalimu Mkuu wa Shule ya Msingi KIPS Salim Nkumbilwa amesema kuwa jumla ya wanafunzi 179 wamehitimu Darasa la Saba kutoka Shule tatu za KIPS, KIPS Annex na KIPS Msangani.

NYIKA NA BABERIAN KUKIPIGA FAINALI MEETING POINT SUPER CUP 2026

TIMU za soka za Nyika na Baberian zinatarajiwa kuchuana kwenye hatua ya fainali ya kinyanganyiro cha Meeting Point Super Cup baada ya kushinda michezo yao ya hatua ya nusu fainali.

Nyika ilifanikiwa kuifunga Kiduli kwa mikwaju ya penati 4-3 kwenye nusu fainali ya kwanza na Baberian waliifunga Nyumbu kwa mabao 2-0 michezo yote ilifanyika uwanja wa Mwendapole Kibaha.

Mchezo huo wa hatua ya fainali utachezwa kwenye uwanja wa Mwendapole ambapo mchezo wa kutafuta mshindi wa tatu ndiyo utaanza kati ya Kiduli na Nyumbu.

NYIKA NA BABERIAN KUCHUANA FAINALI YA MEETING POINT SUPER CUP

MIAMBA ya soka Mkoa wa Pwani Nyika na Baberian zinatarajiwa kuchuana kwenye hatua ya fainali ya kinyanganyiro cha Meeting Point Super Cup baada ya kushinda michezo yao ya hatua ya nusu fainali.

Nyika ilifanikiwa kuifunga Kiduli kwa mikwaju ya penati 4-3 kwenye nusu fainali ya kwanza na Baberian waliifunga Nyumbu kwa mabao 2-0 michezo yote ilifanyika uwanja wa Mwendapole Kibaha.

Mchezo huo wa hatua ya fainali utachezwa kwenye uwanja wa Mwendapole ambapo mchezo wa kutafuta mshindi wa tatu ndiyo utaanza kati ya Kiduli na Nyumbu.

MUHEZA WALILIA RUTI YA DALADALA KWENDA MAILI MOJA

WAKAZI wa Mtaa wa Muheza Kata ya Maili Moja Wilayani Kibaha Mkoani Pwani wameomba kupatiwa ruti ya Daladala kutoka Maili Moja kwenda kwenye Mtaa huo na kupunguza gharama za pikipiki ambazo ni 4,000.

Aidha wamesema usafiri wao mkubwa ni pikipiki na hutumia kiasi cha shilingi 8,000 kwenda na kurudi kufuata mahitaji au kupata huduma za msingi za kila siku.

Akizungumza kwenye mkutano wa hadhara ulioandaliwa na Diwani wa Kata ya Maili Moja mwananchi Veronica Christopher alisema kuwa maombi yao ni kupatiwa ruti ili wawe na usafiri wa uhakika.

Christopher alisema kuwa suala la usafiri ni changamoto kubwa kwani hakuna usafiri wa uhakika zaidi ya pikipiki ambapo gharama zake ni kubwa sana na kipindi cha mvua gharama inaongezeka kwani barabara inaharibika sana kutokana na utelezi na tope jingi.

"Kwa sasa maisha ni magumu sana hebu fikiria ili uende kufuata mahitaji au huduma uwe na 8,000 au zaidi kwa kwenda na kurudi na kwenda huko ni lazima kwani ndiko huduma na mahitaji muhimu hupatikana hivyo tukipata ruti ya Daladala itatupunguzia gharama,"alisema Christopher.

Alisema kuwa Maili Moja ndiyo Mjini na kwa wale wanaofanya safari kwenda maeneo mbalimbali lazima wafike Maili Moja ambako ndiko wanakopata mahitaji lakini usafiri gharama ni kubwa sana za kwenda na kurudi.

Akijibu hoja hiyo Mstahiki Meya wa Manispaa ya Kibaha Dk Nicas Mawazo alisema kuwa mpango huo ni mzuri na leo atakutana na wenye viti wa Mitaa iliyoko kwenye Kata ya Maili Moja na LATRA ofisini kwake ili kupanga ruti hiyo.

Mawazo alisema kuwa hoja hiyo ni ya msingi kwani Serikali ina lengo la kuwapunguzia mzigo wananchi kwa kuwatatulia changamoto kama hizo ambazo ziko ndani ya uwezo wa serikali.

Naye Diwani wa Kata ya Maili Moja Ramadhan Lutambi alisema mpango wa kuboresha barabara kupitia Wakala wa Barabara Vijijini na Mijini TARURA imetenga shilingi milioni 50 kwa kila Kata ambapo Mtaa huo wenye wakazi 12,000 na Mtaa wa Maili Moja wenye wakazi 4,000 watanufaika.

Lutambi alisema kuwa fedha hizo zimetengwa kwenye bajeti ya mwaka 2026/2027 kwa ajili ya uboreshaji wa miundombinu ya barabara ikiwemo madaraja na makalavati.

Alisema kuwa baadhi ya maeneo mvua ikinyesha kwenye vivuko hakupitiki kutokana na maji kujaa ambapo kipaumbele kitawekwa kwenye maeneo ya Mkwanda Machokodo Makanyaga na Kwakamese kutawekwa Makalavati.

NYIKA FC YAINGIA FAINALI MICHUANO MEETING POINT SUPER CUP

TIMU ya soka ya Nyika Fc imeifunga Kiduli Fc kwa penati 4-3 kwenye michuano ya Meeting Point Super Cup kwenye uwanja wa Mwendapole Kibaha. 

Timu hizo ziliingia kwenye hatua ya penati baada ya kufungana goli 1-1 hadi dakika 90 zilipotamatika kwenye mchezo huo.

Kutokana na matukio hayo Nyika imeingia hatua ya fainali ikisubiri mchezo kati ya Nyumbu na Baberian mchezo utakaopigwa kwenye uwanja huo huo wa Mwendapole.

DIWANI LUTAMBI AWATAKA WANANCHI KURASIMISHA ARDHI WAMILIKI KISHERIA

WANANCHI wa Mtaa wa Muheza Kata ya Maili Moja wametakiwa kuchangamkia fursa ya urasimishaji ardhi baada ya serikali kupunguza gharama kutoka 150,000 hadi 130,000.

Akizungumza na wananchi wa Mtaa huo Diwani wa Kata ya hiyo Ramadhan Lutambi alisema kuwa hiyo ni fursa kwa wananchi kuelekea kupata umiliki wa ardhi kisheria.

Lutambi alisema kuwa kumiliki ardhi kisheria kuna faida nyingi ikiwa ni pamoja na kuepukana na migogoro ya ardhi ambaye imeleta changamoto kubwa kwa wananchi.

"Tunaishukuru Serikali kwa kupunguza gharama za urasimishaji ardhi hivyo kuwafanya wananchi kumiliki ardhi kisheria hivyo kuwa na umiliki halali na kupunguza migogoro,"alisema Lutambi.

Akizungumzia suala la changamoto ya maji alisema kuwa kuna mradi wa maji ambao kwa sasa uko kwenye utekelezaji ambapo mitaa yote itapitiwa ambapo kwenye mtaa huo watu zaidi ya 8,000 hawapati huduma hiyo.

Naye Mstahiki Meya wa Manispaa ya Kibaha Dk Nicas Mawazo alisema kuwa mikopo ya asilimia 10 ipo kwa makundi wakiwemo wanawake, vijana na watu wenye ulemavu.

Mawazo alisema kuwa fedha zimetengwa jambo kubwa ni walengwa kuunda vikundi ambavyo vitatimiza masharti ikiwa ni pamoja na usajili huku kwa watu wenye ulemavu hata kwa mtu mmoja anaruhusiwa.

Akizungumza kwa njia ya simu Mkuu wa Wilaya ya Kibaha Nickson John alisema kuwa mradi wa maji wa Pangani utaondoa changamoto ya maji kwenye mtaa huo hivyo wananchi wawe na subira.

John alisema kuwa Serikali imekuwa ikipambana kuhakikisha wananchi wanaondokana na changamoto hiyo ambayo imekuwa kero kubwa lakini inakwenda kupatiwa suluhu.

Kwa upande wake Mkurugenzi wa Halmashauri ya Manispaa ya Kibaha Dk Rogers Shemwelekwa alisema kuwa mipango iliyopo ni ujenzi wa Shule ya Sekondari na Zahanati.

Shemwelekwa alisema kuwa kuhusu urasimishaji vifaa vimenunuliwa kwa ajili ya urasimishaji hivyo wananchi wajiandae na watazichukua changamoto zilizotolewa na wananchi ili wazipatie ufumbuzi.

ULEGA ATAKA MIUNDOMBINU ITOE HUDUMA KIPINDI CHA MVUA ZA ELNINO.

WAZIRI wa Ujenzi Abdala Ulega ametaka hatua za haraka kuchukuliwa ili miundombinu ya barabara iendelea kutoa huduma hata wakati wa mvua kubwa za Elnino zinazotarajiwa kuanza kunyesha hivi karibuni kote nchini.

Ulega ametoa maelekezo hayo akiwa mkoani Pwani katika ziara yake aliyoianza ya ukaguzi wa maandalizi ya kimiundombinu kufuatia maelekezo ya Rais Dk Samia Suluhu Hassan kwa watendaji wa Serikali kuhakikisha nchi inakingwa na athari za mvua zinazoweza kujitokeza wakati huo.

Amesema kuwa inapaswa kufanyika kwa ukaguzi wa barabara na madaraja kote nchini kama sehemu ya maandalizi dhidi ya mvua kubwa za Elnino zinazotarajiwa kuanza hivi karibuni.

Aidha amesema kuwa ukaguzi huo ndiyo utakuwa msingi wa kufahamu ni wapi na wapi panahitaji kufanyiwa kazi ili mvua hizo zisiathiri mzunguko wa watu na biashara.

"Naagiza Wakala wa Barabara Nchini (TANROADS) kuhakikisha barabara na madaraja yote nchini yanakaguliwa na hatua za haraka kuchukuliwa ili miundombinu hiyo iendelea kutoa huduma hata wakati wa mvua kubwa zinazotarajiwa kunyesha katika maeneo mbalimbali nchini",amesema Ulega.

Amesisitiza kuwa pamoja na uwepo wa vifaa ³na mitambo utayari wa wataalam na watendaji ndio msingi wa kuhakikisha nchi inapita salama katika kipindi cha mvua hizo.

"Wizara ya Ujenzi kwa kushirikiana na TANROADS kufanya tathmini ya kila wiki katika mikoa yote nchini ili kubaini maeneo yoyote yanayohitaji kuongezewa nguvu kwa wakati ili kuhakikisha huduma za dharura zinafika kila kona ya nchi,"amesema Ulega.

Aliingeza kuwa TANROADS mejipanga katika kanda mbalimbali na Mkoa wa Pwani ndiyo kitovu cha kanda zote kwa ajili maandalizi ya tahadhari ya mvua za Elnino.

Pia alikagua pia vifaa mbalimbali vitakavyotumika kufanya matengenezo ya dharura katika miundombinu ya barabara na madaraja nchini

kote.

Meneja wa TANROADS Mkoa waPwani Mhandisi Joel Mwambungu amesema kuwa wamejipanga kukabiliana na athari za mvua hizo kwa ununuzi na usambazaji wa vifaa vya dharura katika maeneo mbalimbali nchini.

Mwambungu amesema kuwa TANROADS tayari ina kalavati za chuma zenye jumla ya urefu wa mita 5,638 zitakazotumika katika maeneo ambayo barabara au madaraja yanaweza kupata athari kutokana na mvua hizo.

mwisho.

MEYA DK NICAS MAWAZO AKABIDHI PHOTOCOPY MACHINE KWA SEKONDARI YA MWAMBISI

MSTAHIKI Meya wa Manispaa ya Kibaha Dk Nicas Mawazo amekabidhi mashine ya kudurusu karatasi kwa Shule ya Sekondari Mwambisi na kusema kuwa itapunguza gharama za uandaaji mitihani.

Mawazo alikabidhi mashine kwa uongozi wa shule hiyo kwa kushuhudiwa na Ofisa elimu Sekondari, bodi za Shule za Sekondari za Manispaa, baadhi ya wazazi na wanafunzi wa Shule hiyo.

Amesema kuwa Serika inaendelea kuwaka mazingira mazuri ya kufundishia na kujifunzia kwa wanafunzi ili kuongeza ufaulu na kupunguza changamoto za Shule ndani ya Manispaa.

"Utoaji wa mashine hii ni kuunga mkono jitihada za Rais Dk Samia Suluhu Hassan ambaye ni kinara wa elimu kwani amejitahidi kujenga miundombinu ya elimu,"amesema Mawazo.

Aidha amesema kuwa miaka ya nyuma Shule zilijengwa na wananchi lakini kwa miaka ya sasa Serikali imejenga miundombinu mingi ya elimu hivyo wadau nao waunge mkono serikali.

"Kuhusu bweni wenyeviti wa bodi za Shule zielezee kwenye mipango yao juu ya mahitaji hayo na kama yapo tutaongea na wadau ili kushirikiana na serikali kuyajenga kama kuna mahitaji hayo,"amesema Mawazo.

Kwa upande wake mwenyekiti wa Jumuiya ya Wazazi ya Chama Cha Mapinduzi (CCM) Yahaya Mtonda amesema kuwa kuna haja ya kuipandisha hadhi Shule hiyo ili iwe na kidato cha tano.

Mtonda amesema kuwa baadhi ya wanafunzi wanashindwa kwenda kusoma mbali pale wanapofaulu kutoka Shule za Msingi kwenye Manispaa ya Kibaha.

RC PWANI KUENDELEZA AGENDA YA UWEKEZAJI NA KUWAJENGA VIJANA KIUCHUMI

Mkuu wa Mkoa wa Pwani, Mhe. Stanslaus Haroon Nyongo, amesema ataendelea kuweka mazingira wezeshi kwa wawekezaji ili kukuza uwekezaji na uchumi wa Mkoa wa Pwani, huku akisisitiza umuhimu wa kuwawezesha vijana kiuchumi.

Mhe. Nyongo amesema hayo leo, Septemba 8, 2026, wakati wa hafla fupi ya makabidhiano ya Ofisi ya Mkuu wa Mkoa wa Pwani kati yake na aliyekuwa Mkuu wa Mkoa huo, Mhe. Abubakar Mussa Kunenge, ambaye kwa sasa ni Mkuu wa Mkoa wa Songwe.

Amesema Mkoa wa Pwani ni miongoni mwa maeneo muhimu kwa uwekezaji nchini na kwamba atashirikiana na viongozi na wadau mbalimbali kuhakikisha mazingira yanaendelea kuwa rafiki kwa wawekezaji.

“Mkoa huu ni wa uwekezaji. Nimezunguka maeneo mbalimbali kutafuta wawekezaji, kwa hiyo niwakaribishe kwa kuweka mazingira wezeshi,” amesema Mhe. Nyongo.

Aidha, Mhe. Nyongo ameomba ushirikiano wa jamii katika kuwajenga na kuwawezesha vijana kukabiliana na mabadiliko ya kiuchumi yanayolenga kuboresha maisha yao na jamii kwa ujumla.

Amesema atashirikiana na viongozi wa Mkoa katika kukuza uchumi kupitia sekta mbalimbali, ikiwemo kilimo, mifugo, uchumi wa buluu pamoja na sekta nyingine za uzalishaji.

“Ninaamini utendaji wetu wa pamoja utatumika kikamilifu katika kuendelea kuwatumikia wananchi kwa kutatua changamoto zao mbalimbali, pamoja na kukuza uchumi wa mtu mmoja mmoja na Taifa kwa ujumla,” amesema.

Katika hatua nyingine, Mhe. Nyongo ameomba viongozi na wananchi kutumia sheria, kanuni na taratibu katika kutatua migogoro ya ardhi, akisisitiza umuhimu wa kutumia busara na haki ili kupata suluhisho la kudumu.

Ameahidi kulisimamia kwa karibu suala hilo kwa lengo la kuhakikisha migogoro ya ardhi inapungua na wananchi wanapata haki na fursa ya kuendelea na shughuli zao za kiuchumi.

KONEKTI NA WAZIRI

Serikali inaendesha programu maalumu kwa vijana waliojikita kwenye kilimo.

Fursa hizi ziko kwenye mnyororo mzima wa Kilimo.

Kuanzia uzalishaji wa mbegu, mikopo ya vifaa vya kilimo...

Pembejeo za kilimo, kuongeza thamani mazao...

Usafirishaji mazao, uhifadhi mazao...

Karibu upate nafasi ya kupata taarifa kuhusu programu hizi pamoja na namna ya kupata mikopo ya masharti nafuu kwenye sekta ya kilimo.

Ili uweze kuzitumia ipasavyo fursa hizi zilizoandaliwa kwa ajili yako.

Kipindi ni kesho saa 11 jioni LIVE Instagram, Facebook na YouTube: @ Joel Nanauka & Waziri Wa Vijana.

Kama utahudhuria comment neno "NDIO".

MJUMBE WA HALMASHAURI KUU MKOA WA PWANI ALHAJ MUSSA MANSOUR AJITOLEA KUJENGA OFISI YA CCM KATA YA MKUZA

MJUMBE wa Halmashauri Kuu ya Chama Cha Mapinduzi (CCM) Mkoa wa Pwani Mussa Mansour ametoa vifaa vya ujenzi wa ofisi ya CCM Kata ya Mkuza Wilaya ya Kibaha Mjini.

Akizindua ujenzi wa ofisi hiyo na kuhudhuria Mkutano Maalum wa Kata hiyo Mansour amesema kuwa alipewa ombi na Kata hiyo ambayo inatumia ofisi za tawi kwa ajili ya shughuli zake.

Mansour amesema kuwa lengo la kutoa vifaa hivyo vya ujenzi ni kufanikisha Kata hiyo kuwa na ofisi ili kuwa na ofisi badala ya kutegemea ofisi ambazo siyo zao.

"Nimejitolea ili kuimarisha chama na ningetamani uchaguzi wa ndani ya chama mwakani ufanyike kwenye ofisi hizo kikubwa ni uongozi kufuata taratibu ili tuweze kufikia lengo la kuzikamilisha,"amesema Mansour.

Amesema kuwa aliahidi mchanga, simenti, kokoto nondo na matofali anashukuru kwani vyote amevitoa kilichobaki ni ujenzi tu kuanza na uzinduzi uliifanyika ndiyo ishara ya kazi kuanza.

Naye Mwenyekiti wa Kata ya Mkuza Matata Ngollo amesema kuwa wanamshukuru Mjumbe huyo wa Halmashauri ya Mkoa kwa kujitoa kwake kusaidia ujenzi huo.

Ngollo amesema kuwa wanamshukuru kwani vifaa hivyo vitafanya ujenzi kwa asilimia 80 na itabaki umaliziaji tu hivyo kuifanya Kata nayo kumiliki ofisi yake.

Mjumbe huyo alikuwa mgeni rasmi kwenye Mkutano Maalum wa Kata ambapo alizungumza na viongozi mbalimbali wa ngazi za matawi, alizindua tawi la CCM la waendesha bodaboda tawi la Barckyard, alitembelea kijiwe cha draft na kutoa fedha kwa makundi maalum wakiwemo wajane, wazee, bodaboda  na watu wenye ulemavu na vijana na alitembelea soko la Mkuza.

WAMACHINGA WAISHUKURU SERIKALI KUWATENGEA ENEO LA BIASHARA

WAFANYABIASHARA wadogo Mkoani Pwani maarufu kama Wamachinga wameishukuru serikali kwa kuwatengea eneo maalum kwa ajili ya kufanyabiashara.

Hayo yemesemwa Mjini Kibaha na Mwenyekiti wa Wamachinga Mkoani humo Filemon Maliga alipokuwa akizungumzia kuhusu zoezi la kusajili wafanyabiashara wanaofanya shughuli zao kwenye eneo la hifadhi ya barabara eneo la Maili Moja.

Maliga amesema kuwa wafanyabiashara hao wametengewa eneo lingine kwa ajili ya kufanya biashara mara utaratibu wa eneo jipya utakapokamilika watahamishiwa hapo ili kuendelea na biashara zao.

"Kama unavyoona zoezi linaloendelea na kuwasajili kutegemeana na biashara wanazofanya wakiwemo wauza mitumba, mama lishe, wauza matunda, chips na biashara nyingine,"amesema Maliga.

Amesema kuwa kutokana na uhaba wa ajira watu wengi wameingia kwenye mfumo wa kujiajiri kwa kufanya biashara hivyo hiyo ni ajira kwa kundi hilo kwani watu wanaendesha maisha yao kupitia biashara zao.

"Tunamshukuru Rais Dk Samia Suluhu Hassan kwa kutaka wafanyabiashara wadogo nao watengewe mazingira mazuri kwa ajili ya kufanya biashara zao wakiwa kwenye mazingira rafiki hivyo kufanya biashara zao kwa uhuru,"amesema Maliga.

Aidha amesema kuwa kupitia biashara hizo wafanyabiashara hao wanaendesha maisha yao kw kujenga nyumba kusomesha watoto na kuongeza kipato na kujiletea maendeleo.

Naye moja ya wafanyabiashara wa eneo hilo Wilielmina Lazaro amesema kuwa mpango huo ni mzuri kwani walikuwa hawana eneo maalum na hapo walikuwa wakifanya kwenye eneo la hifadhi ya barabara ambapo maandalizi ya ujenzi yataanza wakati wowote. 

Lazaro amesema kuwa wanatunza familia zao pia baadhi wanakopa fedha kupitia biashara zao hivyo kuweza kukuza biashara na kujiletea maendeleo wao na familia zao.

RAIS DK SAMIA SULUHU HASSAN AMWAPISHA NYONGO KUWA MKUU WA MKOA WA PWANI

Dk Samia Suluhu Hassan, Rais wa Jamhuri ya Muungano wa Tanzania akimuapisha Stanslaus Haroon Nyongo kuwa Mkuu wa Mkoa wa Pwani kwenye hafla ya uapisho iliyofanyika Ikulu Ndogo ya Tunguu, Zanzibar leo tarehe 02 Septemba, 2026.

MPANGO WA KUJIANDAA NA KUKABILIANA NA MVUA ZA EL NINO

Nimeongoza Kikao cha Kamati ya Wataalam Wilaya ya Gairo kupokea taarifa ya Taasisi na Idara mbalimbali namna tulivyojiandaa na kukabiliana na Mvua za El Nino  Kabla ya Mvua, Wakati wa Mvua na Baada ya Mvua.

KIKAO hiki MUHIMU kimehusisha Taasisi za TARURA, RUWASA, GAUWASA, TANESCO, JESHI LA UOKOAJI ZIMAMOTO, JESHI LA POLICE, Udhibiti Ubora wa Elimu na Idara zote zilizopo chini ya Ofisi ya Mkurugenzi Mtendaji wa Halmashauri.  

KAZI NA UTU, TUNASONGA MBELE.

MJUMBE HALMASHAURI KUU CCM MKOA WA PWANI KUSAIDIA UKAMILISHAJI OFISI UVCCM KATA YA TANGINI

MJUMBE wa Halmashauri Kuu ya Chama Cha Mapinduzi (CCMNEC) Mkoa wa Pwani Alhaji Hussein Chuma ameahidi kufanikisha umaliziaji wa ofisi ya Umoja wa Vijana wa (UVCCM) Kata ya Tangini Wilayani Kibaha.

Akifungua Kikao cha Baraza la Umoja huo lililofanyika kwenye Kata hiyo mwakilishi wa Mjumbe huyo Nassoro Shomvi amesema mchango wake ni kwa ajili ya kuhakikisha ofisi hiyo inaanza kutumika.

 Shomvi amesema kuwa UVCCM ni tanuru la kupika vijana ambao ni viongozi wa baadaye wa chama hivyo lazima wawekewe mazingira mazuri ya kufanyia shughuli zao za kila siku.

"Vijana mnapaswa kukitumikia chama ili kiweze kuhudumia wananchi kwani nyie ndiyo nguvu ya chama na chachu ya jumuiya zote za chama hivyo lazima mpambanie chama wakati wote,"amesema Shomvi.

Kwa upande wake Katibu wa UVCCM Kata ya Tangini Lazaro Benjamin amesema kuwa ili kukamilika ofisi hiyo inahitaji baadhi ya vitu ili kukamilika.

Benjamin amesema mojawapo ni samani za ofisi pamoja na kumalizia vitu vidogo vilivyobakia ili iweze kuanza kutumika pia ukosefu wa mashine kwa ajili ya mradi wa uoshaji wa magari.

MBUNGE WA JIMBO LA KIBAHA MJINI SILVESTRY KOKA ATOA MILIONI 1 KWA (UWB)

MBUNGE wa Jimbo la Kibaha Mjini Silvestry Koka ametoa kiasi cha shilingi milioni moja kwa Shina la Wakereketwa wa Umoja wa Bodaboda Nida (UWB)  Kata ya Tangini Wilayani Kibaha.

Alikabidhi kiasi hicho cha fedha wakati alipokuwa akitembelea miradi ya Umoja wa Vijana wa Chama Cha Mapinduzi (UVCCM) Kata ya hiyo kwenye Baraza la kawaida la Kata.

Koka amesema kuwa wao kama wabunge wamekuwa wakiwatetea madereva wa bodaboda bungeni ili kuhakikisha wanarasimishwa na kunufaika na fursa mbalimbali za kiuchumi.

"Hata Halmashauri imetenga fedha kwa ajili ya kuwakopesha madereva wa bodaboda ili nao wanufaike na asilimia 10 zinazotokana na mapato ya ndani,"amesema Koka.

Amewataka madereva wa bodaboda kuhakikisha wanafanya kazi zao kwa kuzingatia taratibu ili waweze kufanikiwa na kuepukana na utendaji kazi ambao haifuati sheria.

Kwa upande wake Diwani wa Kata ya Tangini Antony Millao amesema kuwa amekuwa akikisaidia kikundi hicho ili kuhakikisha kinafuata taratibu.

Millao amesema kuwa moja ya changamoto waliyonayo ni ukosefu wa leseni lakini wanaendelea kuitatua changamoto hiyo kwa kuwatafutia madarasa ya kupata elimu ya udereva.

Naye Katibu wa UVCCM Kata ya Tangini Lazaro Benjamin amesema kuwa wameanzisha mradi wa kuosha magari ambapo wanahitaji kupata vifaa kwa ajili ya mradi huo.

Benjamin amesema lengo la kusnzisha mradi huo ni kujiongezea kipato badala ya kuomba fedha kutoka kwa wadau kwa ajili ya kuendeshea shughuli zao.

RAIS DK SAMIA SULUHU HASSAN KUZINDUA MRADI BWAWA LA KUFUA UMEME LA MWALIMU JULIUS NYERERE RUFIJI

KUELEKEA uzinduzi wa mradi wa Bwawa la kufua umeme la la Mwalimu Julius Nyerere Rufiji unaotarajiwa kufanywa na Rais Dk Samia Suluhu Hassan Agosti 22 Mkuu wa Mkoa wa Pwani Abubakar Kunenge amebainisha mafanikio yaliyotokana na mradi huo.

Akizungumza na waandishi wa habari ofisini kwake Mjini Kibaha kuhusu uzinduzi huo alisema kuwa tukio hilo ni la kihistoria na unatimiza ndoto za Watanzania.

Kunenge alitaja baadhi ya faida ya mradi huo kuwa ni pamoja na Mkoa hadi kufika Julai kupata megawati 356 kutoka megawati 118 za umeme mwaka 2022.

"Kwa sasa umeme umeingizwa kwenye gridi ya umeme ya Taifa na kuna kituo cha kupooza umeme kilichopo Chalinze ambapo kuna kv 400 zinazopelekwa Mkoani Dodoma,"alisema Kunenge.

Alisema kuwa vituo vingine vya vitakavyojengwa ni Kwala, Zegereni na Zinga na mradi huo mbali ya kuhudumia wananchi pia ziada itauzwa nje ya nchi ambapo kwa sasa umeme ni wa uhakika.

"Uwekezaji wa viwanda vikubwa na vya kati umeongezeka kwa viwanda 307 ambapo imetokana na kuwa na uhakika wa nishati ya umeme na sasa kuna mpango wa kuleta gesi kutoka Kinyerezi kwenda Chalinze,"alisema Kunenge.

Aidha alisema kuwa kwa sasa vijiji vyote vya Mkoa wa Pwani vina umeme ukiondoa vijiji nane vilivyopo Visiwani ambavyo vinatumia umeme wa jua.

"Pia kwa sasa upembuzi yakinifu unafanyika eneo la Mloka ambapo kutajengwa bwawa la maji safi ambapo mbali ya Mkoa wa Pwani pia mikoa ya Morogoro na Lindi itanufaika na mradi huo utakaokuwa na uwezo wa kuzalisha lita milioni 1.5 lakini kwa kuanzia utazalisha lita 750,000 kwa siku,"alisema Kunenge.

Aliongeza kuwa upembuzi unaendelea kwa ajili ya kuwa na mabwawa kwa ajili ya skimu ya umwagiliaji eneo la Mkongo na Kibiti kwa maji yatakayokuwa yanatoka kwenye mradi huo na kuondoa mafuriko ambayo hutokea kipindi cha mvua.

"Hatimaye Tanzania imetimiza ndoto ya Nyerere ya kujitosheleza kwa umeme ambapo bwawa linazalisha umeme megawati 2,115 na uzinduzi ni historia na tunatarajia wananchi kujitokeza kwa wingi na wageni kutoka nje ya nchi,"alisema Kunenge.

Mradi huo una thamani ya shilingi trilioni saba na ulianza awamu ya tano ya Hayati Dk John Pombe Magufuli na Rais Dk Samia Suluhu Hassan aliukuta ukiwa asilimia 35 na kuukamilisha na kutimiza ndoto za Watanzania.

WAKUFUNZI WA VYAMA SITA RAFIKI WANOLEWA

VYAMA Sita Rafiki vya Ukombozi Kusini mwa Afrika vimetakiwa kuendeleza ushirikiano ulioachwa na waasisi wa mataifa hayo ili kuleta maendeleo kwa wananchi.

Hayo yamesemwa kwenye Shule ya Uongozi ya Mwalimu Julius Nyerere (MJNLS) Kwa Mfipa Kibaha na Katibu Mkuu wa Chama cha SWAPO na Mjumbe wa Bodi ya Wadhamini ya Shule hiyo Sophia Shaningwa wakati wa hafla ya Ufunguzi wa Programu hiyo.

Shaningwa amesema kuwa mafunzo hayo yatasaidia wakufunzi hao kuwajengea uwezo viongozi wa vyama hivyo tawala kwani wana nafasi kubwa ya kuleta maendeleo.

Kwa upande wake Naibu Katibu Mkuu wa Chama Cha Mapinduzi (CCM) Bara Aggrey Mwanri ameipongeza shule hiyo kwa kuandaa mafunzo hayo kwa wakufunzi kwani yatasaidia kuleta maendeleo na kukuza uchumi.

Mwanri amesema kuwa huo ni uwekezaji mzuri kwa viongozi ili kupata mbinu mbalimbali ikiwemo za mawsiliano na kuhudumia kwa usawa.

Naye Mkurugenzi wa Masuala ya Kitaaluma na Wanafunzi wa Shule hiyo Profesa Ana Nhampule akielezea kuhusu mafunzo hayo amesema kuwa Shule inavihudumia vyama sita rafiki na kundi pana la viongozi kupitia programu zinazohusiana na vyama, programu maalum kwa ajili ya wizara, taasisi za umma, biashara, na mashirika mengine, pamoja na programu huru kwa viongozi chipukizi na wale waliothibitika. 

Nhampule amesema kuwa Mkakati wao unajumuisha uongozi wa vijana EYOLE uongozi wa wanawake kupitia SIWOLEMA, usimamizi wa mashirika ya umma kupitia SLM-PESA na programu za mkakati, utawala, maadili, majadiliano, mawasiliano, mabadiliko ya kiuchumi, maslahi ya taifa, na utendaji wa kitaasisi. 

"Katika mzunguko wa Mpango Mkakati wa 2023-2025 MJNLS ilitekeleza programu 93 na kufundisha au kuhitimu washiriki 14,735 inakua kama taasisi ya maarifa ,"amesema Nhampule.

Aidha amesema kuwa ajenda yao ya Utafiti 2025-2035 inaungwa mkono na miundo ya Baraza la Mawazo, Jarida la Uongozi na maktaba inayozidi kukua na ushirikiano wa kieneo wa utafiti.

Vyama hivyo rafiki vinavyoshiriki mafunzo hayo ya siku 45 ni CCM ina 10, ANC tisa, FRELIMO watano , SWAPO watatu, na ZANU-PF 10 ambapo wajumbe wa MPLA hawakuweza kufika kutokana na shughuli za sasa na za dharura za chama chao.

mwisho. 

EDDY CHARITY YAWAPA TABASAMU KISARAWE SAFE HOUSE

JAMII imeaswa kugharamia suala la elimu kwenye vituo vya watoto wenye uhitaji ili kwa kutatua changamoto za kielimu kwa watoto hao waweze  kutimiza ndoto zao.

Hayo yalisemwa na katibu wa kikundi cha Eddy Charity cha Kibaha, Edgar Mwakalosi wakati kilipotembelea kituo cha Kisarawe Safe House na kutia misaada mnalimbali.

Mwakalosi alisema kuwa vituo hivyo vinachangamoto nyingi ikiwa ni pamoja namna ya kuwapatia elimu watoto waishio kwenye vituo hivyo hasa wanapofikia hatua ya kuelekea kufanya mitihani ya kitaifa au kwenda vyuoni.

"Jamii inapaswa kuvisaidia vituo hivyo kwenye suala la kielimu ili watoto wanaolelewa huko wapate elimu inayostahili kufikia ndoto zao kwani kila mmoja ana ndoto yake ili imfikishe pale alipodhamiria,"alisema Mwakalosi.

Alisema kuwa licha ya kutoa misaada mbalimbali lakini wametoa vifaa vya shule na fedha kwa ajili ya kukabili changamoto hizo za kielimu na mahitaji muhimu ya kila siku.

"Tumekuwa tukijitolea misaada mbalimbali kwenye vituo vya watoto wenye mahitaji lengo ni kuona wnapata tabasamu na kuondoa tofauti ya watoto hao na wale wanaoishi na familia zao,"alisema Mwakalosi.

Naye Meneja wa kituo hicho Florida Frank alisema kuwa mbali ya changamoto mbalimbali kubwa ni kwa madarasa ya mtihani ambapo huwabidi kukaa kambini hasa wale wa kidato cha pili na cha nne kwani kwa sasa wanapaswa kulipa shilingi 60,000 kwa mwanafunzi mmoja na wako wanne.

Frank alisema hata pale wanapokuwa wamechaguliwa kwenda vyuoni gharama zinakuwa ni kubwa sana hivyo kituo kuelemewa na mzigo mkubwa wa kifedha na kuomba wadau kujitolea kuunga mkono kituo chao.

Alisema kuwa jamii inapaswa kupandikiza kitu muhimu katika maisha ikiwa ni pamoja na kuwezesha kwenye suala la elimu kituo hicho kikianzishwa mwaka 2003 kikiwa na watoto watano na sasa kina watoto 48 wanaosoma elimu tofauti hadi vyuo vikuu.

WANNE WAFA 46 WAJERUHIWA AJALINI

WATU wanne wamefariki dunia na wengine 46 kujeruhiwa baada ya basi dogo walilokuwa wakisafiria kutoka Vikumburu Kisarawe kwenda Dar es Salaam kupinduka.

Kwa mujibu wa taarifa iliyotolewa kwa vyombo vya habari na Kamanda wa Polisi Mkoani Pwani Salim Morcase ilisema kuwa basi hilo liliacha njia na kupinduka na kusababisha vifo na majeruhi.

Morcase alisema kuwa ajali hiyo ilitokea Agosti  9 mwaka huu majira ya saa 11:00 jioni huko eneo la kona ya Kinyanyiko katika barabara ya Pugu Kisarawe Wilaya ya Kisarawe.

"Gari lenye namba za usajili T 177 DBV aina ya Fuso likitokea Vikumburu kwenda Dar es Salaam likiendeshwa na Salehe Mtumwa (35) na Mkazi wa Chanika Dar es Salaam liliacha barabara na kupinduka kisha kusababisha vifo vya watu wanne na majeruhi kwa watu 46,"alisema Morcase.

Alisema kuwa chanzo cha ajali hiyo ni mwendokasi ambapo dereva alishindwa kulimudu gari kwenye mteremko mkali hivyo kupelekea gari hilo kupinduka.

Aliwataja waliofariki kuwa ni dereva wa gari hilo Salehe Mtumwa (35) na Mkazi wa Chanika Dar es Salaam,  Mwika Gwesele (38) Mkazi wa Dar es Salaam, Fatuma Momba Mkazi wa Buguruni Dar es Salaam na Sivijui Samatha (40) Mkazi wa Dar es Salaam.

Aliwataja majeruhi wanaopatiwa matibabu Hospitali ya Taifa ya Muhimbili ni Hamis Mtitu (55) Mkazi wa Mbagala, Dar es Salaam, Farida Hassan (28) Mkazi wa Vingunguti Dar es Salaam, Husna Bakari (26) Mkazi wa Buza Dar es Salaam, Radhia Sultan (36)Mkazi wa Tabata Dar es Salaam, Neema Hassan (42) Mkazi wa Temeke, Dar es Salaam.

Majeruhi wengine ni Pilli Kondo (40) Mkazi wa Tabata Dar es Salaam, Salama Ramadhan (40)Mkazi wa Kigogo Dar es Salaam, Salumu Rajabu (56) Mkazi wa Mbande Dar es Salaam, Pilli Habibu (28) Mkazi wa Majohe Dar es Salaam, Amina Ramadhan (64) Mkazi wa Boga Wilaya ya Kisarawe.

"Majeruhi wengine saba wanaendelea kupatiwa matibabu katika Hospitali ya Wilaya ya Kisarawe ambapo kati yao wanaume ni watatu na wanawake ni wanne huku majeruhi wengine 29 wamepatiwa matibabu katika Hospitali hiyo ya Kisarawe na kuruhusiwa," alisema Morcase.

Aidha alisema kuwa Jeshi la Polisi Mkoa wa Pwani linawataka madereva wote wa vyombo vya moto kuzingatia sheria ya usalama barabarani pamoja na kanuni zake ili kuepusha ajali zinazosababishwa na uzembe. 

"Hatua kali zitaendelea kuchukuliwa kwa madereva watakaosababisha ajali kwa uzembe au kutokuzingatia sheria za usalama barabarani na kanuni zake,"alisema Morcase.

WATANZANIA WAASWA KUSAIDIA ELIMU WATOTO WA VITUO WENYE UHITAJI

JAMII imeaswa kugharamia suala la elimu kwenye vituo vya watoto wenye uhitaji ili kwa kutatua changamoto za kielimu kwa watoto hao waweze  kutimiza ndoto zao.

Hayo yalisemwa na katibu wa kikundi cha Eddy Charity cha Kibaha, Edgar Mwakalosi wakati kilipotembelea kituo cha Kisarawe Safe House na kutia misaada mnalimbali.

Mwakalosi alisema kuwa vituo hivyo vinachangamoto nyingi ikiwa ni pamoja namna ya kuwapatia elimu watoto waishio kwenye vituo hivyo hasa wanapofikia hatua ya kuelekea kufanya mitihani ya kitaifa au kwenda vyuoni.

"Jamii inapaswa kuvisaidia vituo hivyo kwenye suala la kielimu ili watoto wanaolelewa huko wapate elimu inayostahili kufikia ndoto zao kwani kila mmoja ana ndoto yake ili imfikishe pale alipodhamiria,"alisema Mwakalosi.

Alisema kuwa licha ya kutoa misaada mbalimbali lakini wametoa vifaa vya shule na fedha kwa ajili ya kukabili changamoto hizo za kielimu na mahitaji muhimu ya kila siku.

"Tumekuwa tukijitolea misaada mbalimbali kwenye vituo vya watoto wenye mahitaji lengo ni kuona wnapata tabasamu na kuondoa tofauti ya watoto hao na wale wanaoishi na familia zao,"alisema Mwakalosi.

Naye Meneja wa kituo hicho Florida Frank alisema kuwa mbali ya changamoto mbalimbali kubwa ni kwa madarasa ya mtihani ambapo huwabidi kukaa kambini hasa wale wa kidato cha pili na cha nne kwani kwa sasa wanapaswa kulipa shilingi 60,000 kwa mwanafunzi mmoja na wako wanne.

Frank alisema hata pale wanapokuwa wamechaguliwa kwenda vyuoni gharama zinakuwa ni kubwa sana hivyo kituo kuelemewa na mzigo mkubwa wa kifedha na kuomba wadau kujitolea kuunga mkono kituo chao.

Alisema kuwa jamii inapaswa kupandikiza kitu muhimu katika maisha ikiwa ni pamoja na kuwezesha kwenye suala la elimu kituo hicho kikianzishwa mwaka 2003 kikiwa na watoto watano na sasa kina watoto 48 wanaosoma elimu tofauti hadi vyuo vikuu.

AHUKUMIWA MAISHA JELA KWA ULAWITI MWINGINE MIAKA 20 NA FAINI M 1 KWA KUDHALILISHA MTOTO

SALIM Mang'ombe (29) mkazi wa Wilaya ya Bagamoyo amehukumiwa kifungo cha maisha jela kwa kosa la kulawiti mtoto mwenye umri wa miaka (10) ambaye alikuwa ni jirani yake.

Hayo yamesemwa na Kamanda wa Polisi Mkoa wa Pwani Salim Morcase alipokuwa akizungumza na waandishi wa habari juu ya mafanikio yaliyopatikana katika kipindi cha mwezi Julai.

Kwenye tukio lingine Salim Masanja (33) Mkazi wa Wilayani Kibaha amehukumiwa kifungo cha miaka 20 jela na kulipa fidia ya shilingi milioni moja kwa tuhuma za kumdhalilisha mtoto wa kike (6).

Morcase amesema kuwa mshtakiwa huyo ni baba mdogo wa mhanga ambaye alikuwa akiishi naye nyumbani kwake na kesi hizo ni za ukatili wa kijinsia.

Amesema kuwa kesi zilizofikishwa mahakamani kwa kipindi hicho zilikuwa 117 huku kesi 63 zilisikilizwa na kumalizika ambapo kesi 48 zimepata mafanikio.

Amesema kuwa jamii kwa kushirikiana na wadau mbalimbali wanapaswa kushirikiana ili kukabiliana na vitendo vya ukatili kwa watoto.

POLISI YAWAREJESHA SHULENI WANAFUNZI 114

JESHI la Polisi Mkoani Pwani limefanikisha kuwarejesha Shuleni wanafunzi 114 ambao walishindwa kuripoti shule kutokana na sababu mbalimbali.

Akizungumza na waandishi wa habari ofisini kwake Mjini Kibaha Kamanda wa Polisi Mkoani Pwani Salim Morcase amesema kuwa jumla ya wanafunzi 573 walikuwa hawajaripoti shuleni.

Morcase amesema kuwa kati ya wanafunzi hao ambao hawakuripoti Shule za Msingi walikuwa 251 na wa Sekondari walikuwa ni 322 ambao walibainika katika kipindi hicho licha ya kuwa wanafunzi hao kuwa na wa miaka tofauti tofauti.

Amesema kuwa changamoto nyingine ni mimba za utotoni ukosefu wa mahitaji ya msingi kama vile sare za Shule na madaftari  na changamoto za kiafya na kiuchumi.

Amewataka wazazi na walezi kushirikina na viongozi wa dini na wa kiserikali katika kupambana na viashiria vya vitendo vya ukatili wanavyofanyiwa watoto ndani ya jamii.

HALMASHAURI YA MANISPAA KIBAHA YAZINDUA MAGARI MRADI WA (TACTIC)

HALMASHAURI ya Manispaa ya Kibaha imezindua magari mawili yatakayotumika kwenye mradi wa ujenzi wa barabara za lami kwenye kupitia mradi wa uboreshaji miundombinu ya Miji na Vijiji (TACTIC) wenye thamani ya shilingi bilioni 19.8

Akindua magari hayo ambayo yatatumika kwenye mradi huo Mstahiki Meya wa Halmashauri ya Manispaa ya Kibaha Dk Nicas Mawazo alisema magari hayo yatawezesha utekelezaji mradi kuwa rahisi.

Mawazo alisema kuwa magari hayo ni moja ya makubaliano mkataba wa mradi huo na yakimaliza kutumika yanarudi Halmashauri kwa ajili ya shughuli zingine za kutoa huduma kwa wananchi kupitia wataalamu.

"Mradi huu unaenda kuleta mabadiliko chanya na uboreshaji wa miundo mbinu mbalimbali ya Manispaa ya Kibaha na kuwa na mwonekano mzuri na kuleta urahisi wa usafiri na usafirishaji,"alisema Mawazo.

Alisema kuwa katika miradi hiyo ya Tactic wanakwenda kuitekeleza kwa ubora zaidi na Halmashauri ya Manispaa ya Kibaha inaenda kuwa ya kwanza na mfano kwa Halmashauri zingine katika utekelezaji na usimamizi wa miradi hii nchini.

"Wananchi wa Kibaha wanapaswa kujivunia na kutangaza maendeleo yanayofanywa na serikali hii kwani Manispaa ya Kibaha ina neemeka na dira ya Rais na mmeona maendeleo yanavyokuja kwa kasi na tutakuwa Halmashauri ya mfano kwa kila kitu,"alisema Mawazo.

Akisoma taarifa ya mradi huo Ofisa Utumishi  Halmashauri ya Manispaa ya Kibaha Mrisho Mlela alimshukuru Rais wa Jamhuri ya Muungano wa Tanzania Dk Samia Suluhu Hassan kwa kuleta miradi yenye fedha nyingi na usimamizi mzuri wa viongozi wa Wilaya na Mkoa kwa utekelezaji wa Ilani kwa maslahi ya Manispaa ya Kibaha.

Mlela alimpongeza Mkurugenzi wa Halmashauri ya Manispaa ya Kibaha Dk Rogers Shemwelekwa kwa usimamizi mzuri wa masuala mbalimbali ya mapato usimamizi wa miradi pamoja na tija katika utendaji wa Halmashauri.

Halmashauri ya Manispaa ya Kibaha imepokea magari hayo mawili kutoka kwenye Mkataba wa mradi wa Tactic ambapo yatatumika katika mradi wa ujenzi wa barabara yenye urefu wa kilometa 4.8 Tughe-Anglikana barabara ya Picha ya Ndege - Lulanzi na soko la Loliondo Mnarani.

MADARASA JANJA KUPUNGUZA CHANGAMOTO UPUNGUFU WA WALIMU NCHINI

MEYA wa Halmashauri ya Manispaa ya Kibaha Dk Nicas Mawazo amezindua Darasa Janja (Live Teaching) Shule ya Sekondari Bundikani na kuiomba Serikali kuanzisha madarasa hayo kote nchini ili kukabiliana na upungufu wa walimu

Mawazo alitoa ombi hilo wakati akizindua darasa hilo shuleni hapo ambapo shule hiyo ni Sekondari ya Kata ya Maili Moja Wilayani Kibaha na kuwa darasa janja yatasaidia kuwafanya wanafunzi kuwa na ari ya kusoma.

Amesema kuwa mwalimu mmoja anayefundisha kupitia darasa janja moja anaweza kufundisha shule zote ambazo zitakuwa zimeunganishwa kwenye mfumo huo wa darasa la aina hiyo kote nchini kwa wakati mmoja.

"Mfumo huu wa darasa janja ni mzuri kwa kukabiliana na changamoto ya upungufu wa walimu kwani mwalimu mmoja anauwezo kufundisha shule zote ambazo zimeunganishwa kwenye mfumo huo,"amesema Nicas.

Aidha amesema kuwa pia mbali ya kufundisha wakati mmoja pia yale aliyofundisha mwalimu huyo yanaweza kurekodiwa na kuwafundisha wanafunzi wengine kwa ubora ule ule.

"Jambo zuri ni kuwa walimu wote wanaofundisha kupitia madarasa janja wote ni wale wenye umahiri wa kufundisha hivyo watawajengea wanafunzi uwezo mkubwa wa kujifunza na kupata ujuzi,"amesema Mawazo.

Kwa upande wake Kaimu Mkurugenzi wa Halmashauri ya Manispaa ya Kibaha Mrisho Mlela amesema kuwa wataendelea kutenga fedha kwa ajili ya ujenzi wa madarasa janja kwenye shule za sekondari.

Mlela amesema kuwa wameendelea kuboresha sekta ya elimu kwa kujenga shule tatu za mfumo wa Kiingereza na shule hizo zote zimejengwa kutokana na fedha za mapato ya ndani na kutengeneza madawati viti na meza 4,000 kwa shule za msingi na sekondari.

Naye Mkuu wa Shule ya Bundikani Bernard Muyenjwa amesema kuwa wanaishukuru Serikali kwa kuwapatia darasa hilo janja kwani litarahisisha katika ufundishaji na kupunguza changamoto ya upungufu wa walimu.

Muyenjwa amesema kuwa kuanzishwa kwa darasa janja hilo shuleni kwao kutasaidia walimu kufundisha bila ya kuchoka wala kutumia nguvu kubwa na kuwapa wanafunzi umahiri na kujua namna ya kutumia teknolojia.

mwisho

BINTI ATUHUMIWA KUMUUA MAMA YAKE MZAZI KWA KUMKATAZA KWENDA KWENYE SHEREHE YA KUMBUKIZI YA KUZALIWA RAFIKI YAKE.

BINTI mwenye umri wa miaka (16) Mkulima na Mkazi wa Kijiji cha Msoga Chalinze Wilayani Bagamoyo anashikiliwa kwa tuhuma za mauaji ya mama yake mzazi baada ya kumzuia kuhudhuria sherehe ya kumbukumbu ya kuzaliwa rafiki yake.

Hayo yamesemwa Mjini Kibaha na Kamanda wa Polisi Mkoa wa Pwani Salim Morcase kuwa Mama yake Hadija Shaha ambaye ni mlemavu wa miguu.

Morcase amesema kuwa tukio hilo lilitokea Julai 28 mwaka huu majira ya saa 5:00 usiku huko katika Kijiji cha Msoga Chalinze ambapo mtuhumiwa alimuua mama yake kwa kumchoma kwa kitu chenye ncha kali.

"Chanzo cha tukio hilo ni kuwa marehemu alimkataza binti yake Rahma Tito kwenda kuhudhuria sherehe ya kuzaliwa ya rafiki yake (birthday party) iliyokuwa inafanyika maeneo ya jirani na Hospitali ya Msoga,"amesema Morcase. 

Amesema kuwa baada ya binti huyo kuzuiwa kwenda kwenye sherehe alianza kumshambulia mama yake kisha kumchoma na kitu chenye ncha kali kichwani.

"Julai 29 mwaka huu  majira ya saa 1:00 asubuhi fundi ujenzi alifika nyumbani kwa Shaha kufuata mfuko wa saruji na fedha yake ya ujenzi ndipo alipogonga mlango na kufunguliwa na binti  wa marehemu jirani huyo aligundua kuna mwili wa marehemu ukiwa umelala sakafuni ukiwa na majeraha kichwani yanayotiririsha damu,"amesema Morcase.

Amesema kuwa mwili wa marehemu ulipelekwa Hospitali ya Msoga ambapo ulifanyiwa uchunguzi wa daktari kisha ulikabidhiwa kwa ndugu kwa ajili ya taratibu za mazishi. 

"Mara baada ya upelelezi kukamilika mtuhumiwa atafikishwa mahakamani kujibu tuhuma hizo na Jeshi la Polisi Mkoa wa Pwani linatoa rai kwa wazazi walezi viongozi wa dini na jamii kwa ujumla kushirikiana katika malezi ya watoto,"amesema Morcase.

Aidha amesema kuwa ushirikiano huo utasaidia kubaini tabia na changamoto za watoto wao kwenye makuzi ili hatua zichukuliwe mapema kabla hayajatokea madhara yoyote.

MAGANYA ATAKA WANACHAMA WASICHAFUANE.

MWENYEKITI wa Jumuiya ya Wazazi ya Chama Cha Mapinduzi (CCM) Taifa Fadhili Maganya amewataka wanachama waache kuchafuana kuelekea uchaguzi wa ndani mwakani.

Maganya aliyasema hayo Mjini Kibaha alipokuwa  akizungumza na viongozi wa Jumuiya hiyo pamoja na wanachama wa CCM Kibaha Mjini wakati wa ziara yake kutembelea Mkoa wa Pwani kukagua uhai wa chama na miradi ya maendeleo.

Alisema kuwa chama hakina shida nao bali wafuate miongozo na utaratibu wa chama kama unavyoelekeza.

"Mwakani tunaingia kwenye uchaguzi wa ndani baadhi wameanza kuchafuana tusikubali hali hiyo asitokee mtu wa kutoa maelekezo bali chama ndiyo kinatoa maelekezo,"alisema Maganya.

Aidha alisema kuwa watu wanaanza kukinzana na uchaguzi wa mwakani na unabeba taswira ya uchaguzi wa 2030 hivyo chama kitangulizwe mbele na siyo mtu.

"Tuwaacheni walioko madarakani wafanye kazi kwani muda wa uchaguzi bado watu wasubiri hadi muda utakapofika,"alisema Maganya.

Alibainisha kuwa kuna baadhi ya watu wanasiasa wa upinzani na wanaharakati wamekuwa wakibeza na kutoa lugha za maudhi na kudhalilisha wasipewe nafasi kwani wakidai eti serilali iliyopo ni haramu.

"Tusiruhusu tabia hiyo kwani Rais Dk Samia Suluhu anafanya kazi kubwa kwa kushirikiana na chama chake kwani Tume ya Uchaguzi iliita vyama vyote na kutaka visaini sheria za uchaguzi lakini baadhi vilikataa,"alisema Maganya.

Aliongeza kuwa uchaguzi ulikuwa wazi kwa kila chama na viongozi walichaguliwa kwa utaratibu uliowekwa na Tume ya Uchaguzi hivyo havina haja ya kulalamika.

"Kamati za siasa za chama zinapaswa kutatua migogoro ya ardhi kwa kushirikiana na serikali ambayo inafanya kazi kubwa kutatua migogoro hiyo,"alisema Maganya.

Naye Mjumbe wa Halmashauri Kuu ya (CCM-NEC) kupitia Jumuiya ya Wazazi na Mbunge wa Jimbo la Kibaha Vijijini Hamoud Jumaa alisema kuwa Jumuiya imekuwa mstari wa mbele kuimarisha chama.

Jumaa alisema kuwa kwa sasa Jumuiya hiyo imeimarika sana na kuwa mhimili mkubwa wa chama katika utekelezaji wa ilani.

Kwa upande wake Mbunge wa Jimbo la Kibaha Mjini Silvestry Koka alisema kuwa Jumuiya ya Wazazi imefanya kazi kubwa katika utekelezaji wa ilani.

Koka alisema kuwa kwenye uchaguzi Mkuu Jumuiya hiyo iliongoza kwa kupiga kura na kuufanya Mkoa wa Pwani kuongoza kwenye suala la kura.

Awali akitoa taarifa ya Wilaya Kaimu Mkuu wa Wilaya ya Kibaha Moses Magogwa alisema kuwa uptikanaji wa huduma kwa sasa kwa wananchi ni asilimia 98.

Magogwa alisema kuwa Hslmashauri ya Manispaa imekuwa ikifanya vizuri katika ukusanyaji wa mapato ambapo asilimia 60 yanatokana kodi na ushuru mbalimbali wa huduma.

Alisema kuwa ujenzi wa barabara ya njia sita kutoka Maili Moja hadi Picha ya Ndege unatarajia kuanza na barabara kwa ajili ya magari ya mizigo nao utaanzia Picha ya Ndege.

ZAHANATI YA KILIMAHEWA YAWAPUNGUZIA UMBALI WANANCHI KUPATA HUDUMA

MWENYEKITI wa Jumuiya ya Wazazi CCM Fadhili Maganya amepongeza ujenzi wa Zahanati ya Kilimahewa Kata ya Tangini Halmashauri ya Manispaa ya Kibaha na kuitaka kuweka dirisha la Wazee ili waweze kupata huduma kwa urahisi wakati wa kupata matibabu.

Maganya ameysema hayo Mjini Kibaha alipotembelea Zahanati hiyo wakati wa ziara yake ya kutembelea Mkoa wa Pwani kuimarisha uhai wa chama na kutembelea miradi ya maendeleo na kusema kuwa ujenzi huo ni wa mapato ya ndani.

Amesema kuwa wazee waliambiwa kuwa watatengewa dirisha kwa ajili ya kuwapatia huduma hivyo ni vema dirisha hilo likawepo kwa ajili ya kuwahudumia na siyo kusema kuwa wapishwe ili wahudumiwa bali wawe na dirisha lao maalum.

"Tuliahidi kuwa tutawawekea dirisha lao maalum kwa ajili ya kupata huduma hivyo Halmashauri ya Manispaa ya Kibaha lazima ihakikishe inawawekea dirisha lao ili wapate huduma za afya kwani wao lazima wahudumiwe vizuri pasipokuwa na changamoto,"amesema Maganya. 

Kwa upande wake Mganga Mkuu wa Halmashauri ya Manispaa ya Kibaha Catherine Saguti alisema kuwa lengo ni kurahisha upatikanaji wa huduma za afya kwenye Halmashauri ya Manispaa ya Kibaha na ulianzishwa kutokana ongezeko la mahitaji ya huduma za afya kwenye eneo hilo.

Saguti amesema kuwa ujenzi ulianza Juni 2024 Halamshauri ilipokea kiasi cha shilingi milioni 233.5 na wananchi walichangia kiasi cha shilingi milioni 1 na shilingi milioni 50 kwa ajili ya ununuzi wa vifaa tiba hivyo kufanya gharama za mradi kuwa shilingi milioni 284.6.

Amesema kuwa serikali imeajiri wauguzi 32 ambapo Zahanati hiyo ina watumishi saba wanaotoa huduma na Zahanati hiyo imepatiwa watumishi wawili hivyo hakuna upungufu wa watumishi.

Zahanati ilianza kutoa huduma Aprili 2026 na hadi sasa imeshatoa huduma kwa watu 1,103 na inatoa huduma mbalimbali.

HALMASHAURI MANISPAA YA KIBAHA YAPONGEZWA UKUSANYAJI MAPATO NA UTOAJI MIKOPO KWA VIKUNDI

MWENYEKITI wa Jumuiya ya Wazazi ya Chama Cha Mapinduzi (CCM) Fadhili Maganya ameipongeza Halmashauri ya Manispaa ya Kibaha kwa kuweza kufanikisha ukusanyaji wa mapato.

Maganya ameyasema hayo kwenye Shule ya Uongozi ya Mwalimu Julius Nyerere wakati akizungumza na viongozi wa Jumuiya hiyo wanaccm na uongozi wa Halmashauri wakati wa ziara yake Mkoani Pwani.

Amesema kuwa Halmashauri hiyo imeonyesha jinsi gani inavyopambana katika ukusanyaji wa mapato ambayo yanasaidia katika kuleta maendeleo kwa wananchi.

"Tunaipongeza Halmashauri kwa jitihada zake za ukusanyaji wa mapato na kuifanya kuwa moja ya Halmashauri zinazofanya vizuri nchini kwenye siala la ukusanyaji wa mapato,"amesema Maganya.

Aidha ameipongeza Halmashauri ya Manispaa ya Kibaha kwa kuvipatia mikopo ya asilimia 10 vikundi vya wajasiriamali kwa ajili ya kuendesha shughuli zao.

"Kama mmeweza kutoa mikopo na kutoa elimu kwa wananchi juu ya kukopa fedha hizo mnafanya jambo zuri ndivyo serikali inavyotaka wananchi wakopeshwe ili wafanye shughuli zao za kiuchumi,"amesema Maganya.

Naye Mkurugenzi wa Halmashauri ya Manispaa ya Kibaha Dk Rogers Shemwelekwa amesema kuwa mwaka 2024/2025 walitoa mikopo yenye thamani ya shilingi bilioni 2.1 kwa vikundi 400 vyenye watu zaidi ya 3,000.

Shemwelekwa amesema kuwa changamoto iliyopo ni baadhi ya vikundi kutokuwa na sifa za kukopa lakini fedha zipo kwa vile vinavyokidhi vigezo vinakopeshwa.

Alisema kuwa baada ya mikopo kurejeshwa kulikuwa na madeni yaliyofikia kiasi cha shilingi bilioni 1.2 lakini wamefanya jitihada ya kufanikisha kurejesha na madeni yaliyobakia ni milioni 300.

WANANCHI WAJITOLEA KUFUFUA BARABARA

MTAA wa Machinjioni umefungua barabara ya kuelekea Shule ya Msingi Mamlaka na kurahisisha watumiaji kupita kwa urahisi wakiwemo wanafunzi kwenda Shuleni na magari ya kutoa huduma inapotokea dharura kama vile moto.

Barabara  hiyo ilijifunga wakati wa ujenzi wa barabara ya lami ya kutoka Tamco-Mapinga kuelekea Bagamoyo hivyo kusababisha watumiaji wakiwemo  wanafunzi kuzunguka umbali mrefu ili kwenda shule na kwenye makazi hasa wanaotumia usafiri wa magari na pikipiki.

Akizungumza wakati wa zoezi la kujitolea kufungua barabara hiyo ambayo miaka ya nyuma ilikuwa ikipitika Mwenyekiti wa Mtaa wa Machinjioni Kata ya Tangini Wilaya ya Kibaha Aidan Mchiwa alisema kuwa barabara hiyo ni muhimu kwa wananchi wa eneo hilo.

Mchiwa alisema kuwa barabara hiyo ni muhimu hasa pale endapo ikitokea dharura kama vile moto au wagonjwa ilikuwa ikiwalazimu kuzunguka mbali hasa kwa matumizi ya vyombo vya moto ikiwemo magari na pikipiki.

"Tulikaa na wananchi na kukubaliana kuchanga kiasi cha shilingi 16,000 kila Kaya ili kufanikisha ufunguaji wa barabara hiyo na wananchi waliridhia na zoezi kuanza ambapo pia tuliwasiliana na Dawasa kwani kuna bomba linapita hapo hivyo walitoa wataalamu wao na kutuelekeza namna na kuchimba ili tusiharibu bomba hilo la maji,"alisema Mchiwa.

Emanuel Sabath alisema kuwa wanaushukuru uongozi wa Mtaa kwa kuwafungulia barabara hiyo hivyo kuwarahisishia na kuwaondolea usumbufu kuzungukia mbali na kupita kwenye eneo la mtu.

Sabath alisema kufunguka barabara hiyo kutarahisisha wananchi kupata huduma ikiwa ni pamoja na inapotokea mgonjwa anataka kupelekwa Hospitali wakiwemo wanawake wajawazito na hata gari la zimamoto kupita kwani kulishawahi kutokea moto lakini gari hilo likashindwa kupita.

Alisema kuwa hata wanafunzi wanaosoma Shule ya Msingi Mamlaka hasa wanaotoka maeneo ya Kilimahewa ambapo iliwabidi wazunguke kupita sehemu nyingine ambapo huwabidi kuzunguka hivyo kuchelewa kufika shuleni.

MASAUNI AWATAKA WANANCHI KUTUMIA FURSA YA HEWA UKAA

Na Mwandishi Wetu, Rufiji

WAZIRI wa Nchi Ofisi ya Makamu wa Rais Muungano na Mazingira Mhandisi Hamad Masauni amewataka wananchi kutumia miradi ya utunzaji wa mazingira ili kupata hewa ukaa na kujiongezea kipato.

Masauni aliyasema hayo Wilayani Rufiji alipokuwa akizungumza na wananchi wakati wa ziara yake Mkoani Pwani kutembelea miradi mbalimbali ya maendeleo.

Alisema kuwa hewa ukaaa ni jambo kubwa la kiuchumi hivyo wananchi watumie kila fursa inayogusa hewa ukaa watumie rasilimali vizuri kupitia misitu. 

"Rufiji ina fursa nyingi za uzalishaji hewa ukaa kupitia, misitu migomba mikorosho kwani hii ni biashara nzuri watumieni wataalam ili wawape moingozo ili kuongeza kipato kwa kutumia fursa hii,"alisema Masauni.

Aidha alisema kuwa mabadiliko ya tabia nchi ni chanzo cha biashara kupitia mkataba wa Paris baada ya kukubaliana nchi zenye rasilimali za kupunguza hewa ukaa zilipwe.

"Kupitia kilimo madini na faida ya kuhifadhi miti tutalipwa hiyo ni changamoto muifanyie kazi kwani mna rasilimali za kutosha za kuwa miradi ya hewa ukaa,"alisema Masauni

Aliongeza kuwa Watanzania wanapaswa kutunza amani iliyopo na kuachana na yale yanayoweza kuharibu amani ya nchi kama ilivyokuwa kipindi cha nyuma.

"Kipindi cha nyuma kulitokea changamoto hata wanaccm walikuwa hawavai sare za chama lakini sasa watu wana amani hivyo tunzeni amani kwani  umuhimu wa amani unajulikana na vijana wanasababu ya kuenzi umoja na kurithisha watoto wetu na Muungano ndiyo kiungo cha amani kupitia  waasisi wa taifa letu wametuachia msingi wa amani,"alisema Masauni.

Aliipongeza Wilaya ya Rufiji kwa kutekeleza kikamilifu kupitia ilani ya Chama Cha Mapinduzi (CCM) kwenye miradi mbali mbali ya maendeleo ya elimu afya miundombinu kilimo maji.

Naye Mwenyekiti wa CCM Mkoa wa Pwani Mwinshehe Mlao alisema kuwa Wilaya hiyo imepiga hatua kubwa ya kimaendeleo ukilinganisha na zamani kupitia uongozi wa Rais Dk Samia Suluhu Hassan.

Mlao alisema kuwa kwa ujumla Mkoa umepiga hatua kubwa ya maendeleo hivyo watu wanapaswa kuona jinsi gani maendeleo yaliyopatikana chini ya CCM.

Naye Mkuu wa Mkoa wa Pwani Abubakar Kunenge 

alisema kuwa mwaka wa fedha Mkoa ulipangiwa kukusanya bilioni 88 lakini hadi Juni 30 mwaka huu tayari zimekusanywa bilioni 135 na kuwa mkoa wa pili baada ya Dar es Salaam. 

Kunenge alisema kuwa Mkoa unajivunia Rais kwa kuwatumikia Watanzania na Rufiji ina miradi mikubwa ya uwekezaji na moja mradi alionyesha Urusi ni kilimo cha ndizi kupitia moja ya kampuni kubwa afrika.

Alisema kuwa kwa sasa kuna mifugo mingi na kuna ranchi ndogo na uchumi usitegemee chanzo kimoja ili kuwa salama kwa kutumia bahari na utalii kwani huwezi kushindana na mabadiliko ya dunia ni kijini na dira 2050 inataka kuwa na ajira milioni nane pato la Taifa trilioni moja pato la mwnanchi milioni 18 kwa mwaka.

Akikaribisha ugeni wa Waziri Mkuu wa Wilaya ya Rufiji Luteni Kanali Fredrick Komba alisema kuwa Wilaya hiyo imefanikiwa kupanda miti ya mikorosho ipatayo milioni 1.5.